Од Агенцијата за храна и ветеринарство информираат дека со измените на Законот за заштита и благосостојба на животните, се забранува диви животни да учествуваат во циркуски претстави.
Измените воведуваат и регистрација на домашните миленици со миокрочипови. Кучињата кои ќе смеат да се шетаат само во присуство на полнолетно лица и ќе мораат да се чуваат со маска.
-Паралелно со измените во Законот за заштита и благосостојба на животните, одиме со еден Правилник кој предвидува регистрација и идентификација на домашните миленици.
Се предвидува секој сопственик на домашните миленици, конкретно кучињата или мачките ќе мора задолжително да имаат електронска идентификација со соодветни микрочипови, тоа е со цел ние како Агенција за храна да добиеме вистински увид во бројот на овие животни и делот на статусот на здраствената состојаба, односно навремена вакцинација оти сите овие податоци ке бидат чувани во електронската база, изјави директорот на Агенцијата за храна и ветеринарство, Дејан Рунтевски.
