Силно невреме проследено со електрични празнења попладнево го зафати Берово, каде на два наврати паѓаше град со големина од лешник до јајце.
До 16 часот таму наврнаа 21 литри дожд на метар квадратен, информираат од Управата за хидрометеоролошки работи. Невреме попладнево имаше и во Прилеп, каде исто така паѓаше град со големина на лешник. За десетина минути, колку што траело невремето, наврнале 26 литри на метар квадратен дожд.Дожд и невреме со помали размери имаше и на други места во земјата. Од Управата за хидрометеоролошки работи соопштија дека противградобијната служба е активна и оти до 19 часот се исфрлени две градобијни ракети.
Времето во текот на ноќните часови ќе се стабилизира. Утре ќе биде посвежно, но сончево со мала доумерена облачност и со услови за локален краткотраен дожд, со ретки грмежи и ветер, повеќе во источните делови.
Темепратурите ќе се движат од 29 до 35 степени. Во Скопје ќе биде сончево со услови за краткотраен дожд, а температурата ќе се движи до 33 степени.
Фото – Фактор.мк
