Скопјанец отишол во кафеана да се расположи, а завршил на Ургентно со исекотини и скршеници.
Според информациите од Министерството за внатрешни работи синоќа околу еден часот група насилници го претепале 32-годишниот Г.В. од Скопје во кафеаната „Теферич“ во Кисела Вода.Групата непознати насилници прво го нападнала во кафеаната, а потоа го извлекла надвор и продожила да го удира.
Некако, Г.В. собрал сили и успеал да побегне и да се сокрие.
На оштетениот во Ургентен центар Скопје му е констатирана тешка телесна повреда, скршен колк и повеќе исеченици по телото.
Во ПС Кисела Вода приведени се две лица учесници во настанот за понатамошна постапка. Се преземаат мерки за целосно расчистување на случајот.
