Поранешниот грчки директор за набавка на оружје во Министерството за одбрана Антонис Кантас вратил дел од митото кој го примил додека ја извршувал функцијата
Тој признал дека за повеќе од десет години примил мито од 16 милиони долари, а вратил околу 10 милиони долари на државата, јавија денеска новинските агенции, повикувајќи се на извори на грчкото Министерство за финансии. Кантас, кој од 18 декември е во притвор поради земање провизија за направените договори, парите ги предал преку овластениот адвокат на специјална сметка во Банката на Грција .
Тој е првиот грчки функционер кој признал дека земал мито во врска со склучување на големи договори за вооружување со странските компании од Германија, Франција, русија, Бразил и Шведска, пренесува Ројтерс. Со истрагата биле пронајдени 13,7 милиони евра во една сингапурска банка, по сведочењето на Кантас, кој бил на должност од 1997 и 2002 година.
Еден од двајцата осомничени е и претставник на германска компанија Дмитрис Папахристос (78), кој бил успасен во понеделникот. Неговиот адвокат изјавил дека тој има тешко заболување, како и дека „пати“ од амнезија.
