Нигериската полиција го затвори ресторанот во кој се продавале јадења од човечко месо
По извршената рација во ресторанот, на југот од Нигерија, полицијата уапсила 11 лица меѓу кои и сопственикот на ресторанот.
Полицијата во ресторанот пронашла два автомати АК-47 и друго оружје, муниција, повеќе мобилни телефони, како и две човечки глави во пластична фолија.
Според податоците кои ги објави полицијата, печени човечки глави биле специјалитет кој се нудел во менито.
Полицијата добила информации за ресторанот од локален свештеник. Според неговите зборови, тој бил изненаден од големата сметка. Кога го повикал работникот за да го праша зошто цената е толку висока, тој му рекол дека штотуку јадел човечко месо.
-Бев шокиран- истакнал свештеникот.
