Попладнево целосно е блокиран пристапот кон берлинскиот аеродром Тегел каде на терминалот А е пронајден сомнителен багаж без човечка придружба.
Багажот е уништен од страна на експертите за експлозиви на германската полиција а во него немало опасни материи.
Багажот е пронајден околу 13 часот и 30 минути по што сите пристапни патишта кон аеродромот биле затворени. Километарските колони возила во делот од Берлин каде што се наоѓа најстариот аеродром во германскиот главен град продлжиле и по одстранување на опасноста и вратеното слободно движење на патниците кон и од аеродромот.
За време на полициската операција и покрај блокадата на движење за патниците не биле одложени слетувањата и полетувањата на аеродромот Тегел.
