Пред една година ја силувал својата ќерка, а денеска ја уби сопругата. Балканот е во шок по Семејна трагедија што ја потресе Србија.
Имено, во српската населба Чока денес се случило злосторство кое што ја потресе српската јавност. Четириесет и петгодишниот Габор утринава со нож ја заклал својата сопруга Андреја (40) во просториите на нивната семејна куќа.
Семејната трагедија се случила утринава околу 11.30 часот, а она што е уште поморничаво во целата трагедија е фактот дека главниот осомничен за бруталното убиство пред една година излегол од затвор, каде што бил на издржување на затворска казна во траење од 4,5 години, поради силување на неговата малолетна ќерка!
Додека тој бил во затвор, разочараната жена, поради она што нејзиниот сопруг и го направил на нивната малолетна ќерка, го продала сиот семеен имот.
По неговото излегување од затворот, брачните сопружници постојано се расправале, а Габор во текот на изминатиот викенд брутално ја претепал сопругата, по што таа се здобила со тешки телесни повреди.
Меѓутоа, по сослушувањето во полиција, Габор наместо да биде задржан, туку бил пуштен на слобода, па утринава на ѕверски начин ја усмртил несреќната жена, приредувајќи уште една трагедија во нивното семејство.
