Бил Козби осуден на 3 до 10 години затвор за сексуален напад


Американскиот комичар Бил Козби е осуден на три до десет години затвор за сексуален напад.

Пресудата пристигна пет месеци откако 81-годишниот Козби беше прогласен за виновен за дрогирање и сексуален напад врз Андреа Констанд во 2004 година.

Комичарот беше прогласен за виновен по сите три точки од обвинението.

Козби е познат како „американскиот татко“ поради неговата улога на таткото во популарната хумористична серија „Козби шоу“ во 80-тите.

Обвинителите ќе бараат тој веднаш да биде испратен во затвор, додека неговите адвокати ќе се обидат да сторат сè за да го задржат 81-годишникот во домашен притвор и таму да го дочекаат исходот од евентуалната жалба, објавија американските медиуми.

Share Button
MK News

Автор инфо

No comments yet.

Остави коментар

UA-33057274-1