Обвинетиот во Меѓународен сојуз, Бојан Јовановски, повторно бара смена на судијката Софче Гаврилова. Го добил известувањето од претседателот на Основен Кривичен суд дека претходното барање за изземање е одбиено, па денеска освен за судијата, изземање побара и за судиите поротници.
-Судијата е политички инструиран и поврзан со претседателот на овој суд и ми дава сомнеж за систем на сврзани садови за овој предмет кој се сомневам дека еполитички конструиран, а судечкиот совет е контролиран од премиерот Зоран Заев и високо позиционирани функционери во државата, изјави во судницата Јовановски.
Тој додаде дека е во контрадикторна постапка со судијата која го води случајот бидејќи против неа како и судијата од предметот Рекет кривично ги гони за злоупотреба на службената положба, обид за убиство и тортура.
