Во масакр кој се случил во Мексико се убиени девет членови од американско мормонско семејство, меѓу кои повеќето деца, соопштија роднините на жртвите.
Американска државјанка и нејзините четири деца убиени се во напад со огнено оружје во пограничната мексиканска држава Сонора, каде што живееле, соопштија нивните роднини.
Еден од роднините на семејството, кој побарал да остане анонимен, рече дека го пронашол опожарено возилото и изрешетано од куршуми, а внатре биле телата на сопругата на неговиот роднина и нивните четири деца.
Тој за нападот го обвини нарко картелот, велејќи дека видел десетина тешко вооружени лица во близина на запаленото возило.
Џулијан ЛеБарон, друг роднина на убиената, на Фејсбук напиша дека станува збор за Ронита Марија ЛеБарон, која била убиена со своите шестмесечни близнаци и двете други деца, на возраст од осум и 10 години.
Во други две возила имало уште две жени и 13 деца, но засега нема информации што се случило со нив.
