Кога двајца браќа започнале со средување на старата куќа од нивниот дедо, тие не можеле ниту да претпостават што се ќе пронајдат и во каква авантура ќе се претвори тоа навидум обично чистење.
Имено, на интернет сервисот Reddit се појавила навистина интересна приказна која што го привлекла вниманието на интернет корисниците, не само на корисниците на споменатата интернет страница, туку и голем број на други луѓе ширум светот. 
Двајцата браќа која што ја наследиле куќата од својот дедо, започнале со чистење на истата, кога го откриле и неверојатното богатство. Така, кога ги отвориле вратите од плакарот, пронашле стар сеф со шифра.
Секако, веднаш се обиделе да ги внесат сите комбинации на кои што можеле да се присетат, од родендените во нивното семејство, па се до годишнините, меѓутоа ниту една не била соодветната. Затоа, тие повикале бравар кој успеал да го отвори сефот! 
По отворањето на сефот, браќата започнале од него да вадат најразлични кутии, преполни со монети, како и неколку банкноти, претежно уништени од влагата. Сребрените монети биле одлично сочувани, а браќата пронашле и кутија со часовници и стар накит.
Кога ја споделиле оваа приказна на споменатиот интернет сервис, браќата веднаш започнале да добиваат најразлични пораки од заинтересираните интернет корисници. Подоцна тие објавиле и дека под еден од столовите во старата куќа, пронашле уште еден сеф. 
Сега се повеќе луѓе со нетрпение ги исчекуваат новите пронајдоци од старата дедова куќа, а браќата ветиле дека се што ќе пронајдат ќе фотографираат и сликите ќе ги објават на Reddit.
