Семејството не сака никој да им е во близина. Се додека не дојде службена потврда од Владата и надлежните служби, тие не сакаат да контактираат со никој.
Неговата ќерка секој ден прашувала дали и кога ќе се врати татко и’, за заедно со брат и’ и мајка и’ да одат на море.
-Синот е премал, но девојчето знае дека татко и’ веќе одамна треба да е вратен. Постојано потпрашува, за 24час.хр изјавил еден од пријателите на семејството.
Инаку Томислав и претходно бил во опасна ситуација. Неговите соседи потврдиле дека веќе бил во една критична ситуација. Заминал за Ирак и Либија, а најстрашно било во Сирија каде заедно со колегите во последен миг успеал да побегне.
-Во Африка замина да работи од криза, гладните деца не прашуваат дали има пари. Заработката за нашите прилики беше добра, а фирмата за која работеше најверојатно му ветувала сигурност. Тој се надеваше дека веќе нема да му се случи таква ситуација, вели пријателот.
Неговата жена Наташа била во многу тешка ситуација, немала сила да се соочи со ситуацијата.
-Не ни можеше да помисли дека тоа ќе се случи. Сите се уште веруваат дека Томислав е жив. Ниту фотографиите, ниту пак тонските записи не и’ ја одземаат надежта. Срцето не сака да се помири со трагедијата, додава пријателот.
