Владата го прогласи за ден на жалост во Македонија овој понеделник, по трагичната хеликоптерска несреќа кај Струмица. Вчера во Домот на АРМ во Скопје се одржа комеморативна седница, на која роднините, пријателите, колегите и високи полициски и државни функционери се простија од четворицата загинати.
– Имињата на Драги, Иљо, Маријан и Тоде ќе бидат дел од колективното паметење на сите што живеат на овие простори и ќе останат светол пример за сите идни генерации. Република Македонија и МВР загубија извонредни професионалци и големи патриоти, а нивните семејства изгубија чувствителни сопружници, грижливи татковци и горди синови и браќа – рече помошник- началникот на Централните полициски служби Сашо Митевски.
