Џенифер Лопез блесна во фустанот од црна тантела на финалето на „Американскиот идол“. Сепак, фотографиите од црвениот тепих снимени одблиску, покажуваат дека пејачката, која гази низ петтата деценија од животот, полека ја стасуваат годините.
Една од најубавите жени на планетата, на која на фигурата и беспрекорната кондиција можат да и позавидат и многу помлади колешки, во средата се појави пред театарот „Долби“ во Холивуд, во финалната емисија на прочуеното шоу.
Елегантна, а истовремено и секси, Џеј Ло и во 46-тата година предизвика многу воздишки. Меѓутоа, кога ќе ја погледнете одблиску, под професионалната шминка која лицето го доведува до совршенство, се гледаат брчките и мозолчињата. На лицето на латино дивата може да се забележат брчки, подочници, а и „обесениот“ врат. Овојпат ниту трага од препознатливиот сјај на Џеј Ло, а ниту и од нејзината насмевка.
