Бура ја зафати Атина во текот на вчерашниот ден при што од удар на гром во Акропол се повредени четири луѓе.
Од ударот е скршен прозорецот на чуварската куќичка, па две жени и двајца чувари кои биле во куќичката поради полесни исекотини се превезени во болница.
Жените по прегледите се пуштени, а чуварите се задржани од превентивни причини.
Древните храмови Партенон и Ерехтејон не се оштетени, бидејќи молњата удрила во громобранот кој е издвоен од градбите.
