Двајца македонски менаџери се најдоја на листата со 100-те највлијателни менаџери во регионот на Југоисточна Европа, што ја објави хрватскиот бизнис-магазин „Лидер“.
Станува збор за Стојче Тасков (на фотографијата десно), регионален директор на групацијата ЕОЅ за Југоисточна Европа и Тодор Деловски, директор на Кнауф груп за Источна Европа.
Предизвикот за управување во рамките на регионот хрватскиот магазин „Лидер“ го опишува како постојана потреба да се следи и да се разбира законодавството, културата и спецификите на секој од пазарите, со цел да се обезбеди водечка позиција на сопствениот бренд на секој од локалните пазар”.
Овие менаџери управуваат со своите компании во различни услови, кои не им дозволуваат да воспостават единствен пристап на пазарот, пишува „Лидер“.
