Новогодишен подарок за сите пациенти со ретки болести е одлуката на Владата еден денар од купена кутија цигари да се издвојува за лекување на овие лица, сметаат од здружението “ Живот со предизвици”. Според Весна Стојмировска ова е долгорочно системско решение за обезбедување редовна терапија со што значително ќе им се подобри квалитетот на живот на овие луѓе.
Според податоците од здружението во Македонија има 100-тина пациенти со ретки болести. За најголем од нив нема терапија. Од “Живот со предизвици” велат дека ќе продолжат да се залагаат земјава да добие национална стратегија по примерот на многу европски држави и да се поедностави администрацијата за регистрација на лекови.
Со по еден денар од продадена кутија цигари проекциите се дека годишно за лекување на пациентите со ретки болести ќе се издвојуваат околу 250 милиони денари.
