Вработените во Дискавери музејот во Невада изведувале рутински експеримент пред деца кога проади реакцијата на хемикалиите дошло до експлозија во која биле повредени 13 луѓе, вклучувајќи седум деца кои завршиле во болница со изгореници.
Одговорните во музејот во градот Рино потврдиле дека во помала експлозија во средата попладне имало повредени и дека децата кои биле примени во болница имале изгореници по лицата и рацете, додека на полесно повредените им била укажана прва помош на лице место.
На Интернет се појави и снимка од инцидентот на која се гледа моментот кога метил алкохол и борна киселина почнуваат да горат додека децата кои седеле на подот за време на експериментот почнуваат панично да бегаат.
Полицијата не навела повеќе информации за степенот на изгореници кај децата.
