Сопругата и ќерката на либанскиот премиер Хасан Диаба повредени се во силната експлозија која денеска го потресе подрачјето недалеку од пристаништето на Бејрут, јавија арапските медиуми.
https://www.facebook.com/vanessa.beeley/videos/10160795691528868/
Арапската телевизиска станица „Ал Арабија“ наведува дека повредени се и неколку советници на премиерот Диаба.
Од експлозијата оштетена е и официјалната резиденција на претседателот на Либан, палатата Бабда. Од детонацијата уништени повеќе згради, како и Амбасадата на русија.
Различни извештаи пристигнуваат за жртви.
Болниците се преполни, сите служби се вработени на терен, а целата ситуација целосно го скрши гувернерот на Бејрут, Марван Абуд, кој плачеше пред новинарите.
Додека околу него можеше да се види чад и рушевини, Абуд ја спореди катастрофата со нуклеарните напади на Хирошима и Нагасаки за време на Втората светска војна.
Иако се сомнева дека експлозијата се случила во магацин на експлозивни материи во пристаништето, точната причина сè уште не е позната. Абуд потврди дека избувнал пожар и дека пожарникарите кои дошле да го изгаснат тогаш исчезнале.
„Ги бараме, 10 од нив во моментот недостасуваат. Личи на се што се случи во Јапонија, Хирошима и Нагасаки. Тоа ме потсетува на тоа. Никогаш не сум видел такво уништување во целиот мој живот. Ова е национална катастрофа”, рече тој низ солзи.
Beirut governor is literally crying while talking about the explosions, who likens them to Nagasaki and Hiroshima attacks pic.twitter.com/YPHqd1Sq2d
— Ragıp Soylu (@ragipsoylu) August 4, 2020
Според безбедносни извори, во таа област има и складирани хемикалии. Една од теориите е дека експлозијата можела да биде предизвикана од натриум нитрат, конфискуван на бродот пред една година, кој бил во магацин во пристаништето. Петарди и огномет може да се слушнат пред да следи катастрофалната експлозија.
