Пожар уништи стан во населбата Капиштец а брзата интервенција на пожарникарите спречи огнот да се прошири и на соседните станови во зградата, пренесе Вечер.Според привичните информации пожарот избувнал околу 13 часот во стан на пети кат на улицата “Народен Фронт”, спроти Заводот за вработување.
Токму вработените биле првите кои го забележиле чадот и огнот кој излегувал од еден од прозорците и ја алармирале противпожарната бригада. Во моментот во станот немало никој, а соседите веднаш се симнале долу. Интервенцијата на пожарникарите траеше околу половина час.
Фото – Вечер
