Собранието добива нов лик со поставувањето на големата и двете мали куполи.
Малите куполи се над надградбата од Собранието, која ќе има 88 работни простории и шест сали за комисии. Во средината на Собранието се работи на доградба на која што се надоврзува големата сала од шестотини метри квадратни и таа е покриена со големата купола со дијаметар од 32 метри и висина од десет метри.
Стаклото на двете мали куполи е комплетно поставено, а на големата купола веќе 90 отсто од стаклата се поставени, останатите се фаза на поставување.
Со користење на потемно и посветло стакло, се формира буквата „М“ на три места.
Првата сала под малата купола што гледа десно на главниот собраниски влез наскоро ќе биде ставена во функција. Некаде пред летото, другата мала и големата најверојатно ќе се готови наесен.
Фото – Скопје инфо
