Денешниот ден му донесе двојна радост на Ламбе Алабакоски кој освен што слави роденден ќе прави и мекици бидејќи како што објави на својот Фејсбук профил токму на неговиот роденден Ламбе стана татко!
-Благодарам на сите на честитките за мојот роденден!Воедно уште една најрадосна вест денес пред неколку саати ми се роди син“, напиша Ламбе на својот Фејсбук профил.
Пејачот и неговата животна избраничка Магдалена се заедно веќе неколку години, а минатата година влегоа во брачните води. По свадбената церемонија заминаа на неколку месеци во Америка, каде живее и семејството на Магдалена, која по потекло е од Битола. Во моментов двојката живее во семејната куќа на Ламбе, во ресенското село Љубојно.
извор: Вистина.мк
