Арнолд Клејн на својот фејсбук залепил фотографии од себе и од синот на Мајкл Џексон – Принц Мајкл Џексон (15), алудирајќи дека сличноста е голема и дека тој е биолошкиот татко на момчето.
Арнолд кој е дерматолог во последните години се бори со финансиски проблеми , и се смета дека со овој обид сака да дојде до лесни пари. Клејн донирал сперма и сега претпоставува дека синот на Џексон е токму негов син.
Мајкл Џексон го доби синот Принц Мајкл и ќерката Парис со бившата сопруга Деби Роу која порано работеше како асистентка на Клејн во неговата клиника на Беверли Хилс.
Третото дете, најмладиот син Бланкет го роди анонимна сурогат мајка во 2002. година.
Дерматологот некогаш одамна можеше да се пофали со богата клиентела, меѓу кои Елизабет Тејлор и Шер. Но, поради мошне луксузниот живот на кој потроши милиони долари, тој беше принуден да продаде се што има и да објави банкрот.
