Полицијата во Нови Сад и понатаму трага по непознатиот возач на автомобилот со кој синоќа беше усмртена 28-годишната Марија Милешиќ на Сомборскиот булевар. Возачот избега од местото на настанот.
Семејството на трагично загинатата Марија се уште е во неверување дека повеќе ја нема.
– Нашата ќеркичка Теодора има само 4 години и се уште ја чека мајка си да се врати од работа, изјавил низ солзи сопругот на Mарија- Милан за српски Курир, кој додал дека со Марија не биле во брак, но живееле заедно 10 години.
Делот од булеварот каде беше прегазена Марија се уште е затворен за сообраќај, бидејќи увидот е во тек.
Марија која работела како келнерка, додека била на работа во еден момент го напуштила локалот и тргнала да купи цигари, преку Сомборскиот булевар каде се наоѓа пешачки премин.
Таа прво била прегазена од едно возло кое ја отфрлило на улицата, по што налетало такси возило и поминало преку неа. Таксистот веднаш застанал и се обидел да помогне, меѓутоа за жал било прекасно.
