Еколошкото друштво МЕД изработи 3.000 маски за навивачите со лик на рис. Од овој меч, рисот ќе стои и на дресовите на македонската фудбалска репрезентација
На задната страна на маските пишува:
Маската ставете ја на знакот на официјалниот спикер и задржете ја на себе во следните минути, кои ќе ги означи официјалниот спикер!
Маската не ја фрлајте на земја, за да ја сочуваме околината чиста!
Однесете ја дома, покажете им ја на пријателите, помогнете и вие во оваа кауза!
Колку повеќе луѓе се информираат, толку полесно ќе го спасиме овој вид од изумирање!
Рисот е наш национален симбол! Го има и на петденарката!
Тој е критично загрозено животно, кое се среќава во планините на западна Македонија!
Рисот кај нас е заштитен со закон и неговиот лов е трајно забранет!
Сепак, тој и натаму останува само една ГОЛЕМА МАЧКА СО МАЛИ ШАНСИ!
Извор – Прес24
