Четворица мигранти од Пакистан вчера се обиделе преку граничниот премин Богородица да влезат во Македонија.
Возилото со кое пакистанците требале да преминат транзит низ нашата држава имало турски регистарски ознаки и било управувано од турски државјанин.
Камионот бил натоварен со моторно масло наменето за пазарот во Косово, било селектирано за царинска контрола, при што во товарниот простор, помеѓу бурињата со моторно масло, биле откриени четири машки лица пишува во соопштението кое денеска попладне го објавија од Царината. Илегалните мигранти се предадени на Министерството за внатрешни работи, за понатамошна постапка.
