Еден ученик заврши со убодни рани по инцидентот кој околу 10:30 се случи пред пекарата „Специјал“ во близина на трговскиот центар „Лептокарија“ во Скопје.
Според информациите на Пресс24, инцидентот започнал како вербална расправија меѓу средношколци од ГУЦ Здравко Цветковски по што еден од учениците извадил нож и нападнал друго момче. Сторителот бил малолетен ученик од село Грчец.
Повреденото момче се здобило со телесни повреди на кои итно интервенирала Брзата Помош.
Сторителот се дал во бегство а полицијата ја расчистила толпата средношколци. По кусо време било приведено едно лице кај кое е најдено оружјето со кое е извршен нападот. Сеуште се утврдува дали се работи за сторителот на делото.
