Французинката заболена од ебола прима експериментални лекови


На заболената француска волонтерка од ебола, која работеше во Либерија за Лекари без граници, по нејзиното враќање во Франција и се даваат експериментални лекови, јавува дописникот на МИА од Париз.

Младата волонтерка, која беше заразена од вирусот на ебола вo Либерија, по професија е медицинска сестра и таа од вчеrа се наоѓа во воената болница Бегин во близината на Париз, каде според министерката за здравство Марисол Турен и се даваат експериментални лекови.ebola345

Министерката објасни за француското радио РТЛ дека дозволила увоз на „експериментални лекови“, без притоа да каже за кои лекови станува збор.

Според француските медиуми, воената болница Бегин побарала на пациентката да и се даде од серумот ЗМапп, коктел на антитела со активен принципи, кој им беше даден на двата американски лекари кои ја преживеаа грозницата Ебола.

Лекар од Либерија, кој беше лекуван со истиот серум почина.

Засега не постои специфичен лек против Еболата, но заболените добиваат лекови за олеснување на симптомите, како против болките или високата температура.

Вчера францускиот претседател Франсоа Оланд најави дека побара од министерот за одбрана да инсталира полска воена болница во шумскиот дел на Гвинеја, каде се наоѓа жариштето на епидемијата.

Share Button
MK News

Автор инфо

No comments yet.

Остави коментар

UA-33057274-1