Сител излезе со ексклузивно видео на кое е снимена бркотницата и нападот со оружје врз заменик министерот за труд Диме Спасов. Од снимките кои денеска ексклузивно ги објави телевизијата, може да се види дека Спасов бил нападнат од група насилници кои му се заканувале со пиштол а потоа, истата група, заедно со лица кои се претставиле како полицајци му впериле пиштол.
Група од Серава, место кое е особено познато по криминални ликови, пресретнува џип во кој се вози Спасов. Наводно имало судар, а на снимката се уште има кал на возилото кое го возат момците од Серава и немало ниту гребнатинка, потоа го бркаат, го запираат, го удираат возилото и ставаат раце во џебови од каде вадат пиштоли.
