Без оглед на тоа што изборите се финалето на договорот од Пржино, висок функционер од партијата за Дневник вели дека никој нема да ги натера на избори. 
Еврокомесарот Хан по празниците доаѓа во Скопје, а во СДСМ ставот бил дека која и да е целта на неговото доаѓање, никој нема да ги убеди да учествуваат на закажаните априлски избори.
„Ако некој мисли дека целата оваа година СДСМ се бореше залудно за сега во април да има избори за верификација на Груевски, нема да го дозволиме ова “, вели функционерот од СДСМ.
По објавувањето на анкетите од неколку реномирани рејтинг агенции, чии резултати покажаа дека разликата меѓу ВМРО-ДПМНЕ и СДСМ е меѓу 180 и 190 илјади гласа , опозиционерите индиректно почна со најавување на можноста за избегнување на изборите. Власта, но и дел од експертите јавно предупредуваа дека социјалдемократите се плашат од избори
