На охридскиот аеродром „Св. Апостол Павле“ утрово слетаа два чартер авиони од Цирих во 8.57часот и од Базел во 10.15 часот.
Авионите беа со гласачи од дијаспората кои пристигнаа за да гласат на вториот круг од локалните избори.Како што јавува „Охрид прес“, Македонците од Струга кои живеат во Швајцарија преку социјалните мрежи се организираа да дојдат во родниот град за да можат да го дадат својот глас на вториот круг од локалните избори. Македонската заедница во Швајцарија за сите заинтересирани организираше бесплатен превоз од Женева, Швајцарија до Република Македонија.
Вонредни чертер линии има и на аеродромот во Скопје.
