Слупчане, Матејче и Арачиново се под полициска контрола, дознава 24 вести. Според нивните информации косовска група наводно извршила упад на македонска територија кај село Слупчане.Повеќе медиуми објавија дека во Арачиново и во делот од општина Липково во тек има повеќе полициски блокади и во тек е полициска акција. Од МВР за Телма потврдија дека има полициска акција во рамките на редовните активности на МВР.
Од МВР ги негираа овие шпекулации и тврдат дека ситуацијата е под контрола, дека на терен во липковско има само „проверка на локации и претрес на терен и на напуштени објекти долж граничната линија која е прогласена за кризно подрачје“ а во врска со мигранти.
Потврдуваат дека има блокада на влезот во Арачиново, но најавија дека детали за акцијата ќе бидат соопштени утре.
