Државната изборна комисија со 4 гласа за и 3 гласа против покрена иницијатива за прекршочна постапка против претседателот Ѓорге Иванов поради прекршување на изборниот законик со неговиот отчет на 14-ти март, пренесува Канал 5.
Комисијата со просто мнозинство гласови одлучи да ја покрене постапката поради тоа што истиот ден Иванов беше потврден како претседателски кандидат и со својот отчет предвреме ја почнал изборната кампања.
Приговорот беше поднесен од страна на СДСМ, а вториот нивен приговор за отчетот на владата беше отфрлен поради тоа што владиниот отчет е претставен пред да бидат потврдени кандидатските листи за предвремените парламентарни избори.
