Српскиот ултранационалист Воислав Шешељ, кому хашкиот трибунал за поранешна Југославија утре треба да му изрече пресуда за воени злосторства, одбива да се појави на седницата на Судскиот совет во холандската престолнина.
Каква и да е пресудата, таму веќе не се враќам доброволно- изјави лидерот на српските радикали, кој претходно се изјасни дека не е виновен по сите обвиненија.
Шешељ ја води и листата на Српската радикална странка за предвремените парламентарните избори на 24-ти април.
Српскиот премиер Вучиќ оцени дека пресудата на Хаг ќе има помало значење отколку неодамнешната пресуда за лидерот на босанските срби Караџиќ.
