Грчкиот премиер Алексис Ципрас, кој во текот на викендов изненадно ги прекина преговорите за новиот реформски пакет и повика на референдум, во неделата вечерта на јавна телевизија ги објави мерките за контрола на прометот на капител како би спречил колапс на банките. Банките ќе останат затворени до 6. јули, а повлекувањето средства од банкоматите ќе биде ограничено на најмногу 60 евра, објави Владата.
Воведувањето на тие мерки беше врв на драматичниот викенд кој Грција би можел да ја турне во банкрот, бидејќи најверојатно нема да може да ја плати ратата во износ од 1,6 милијарди евра.
Грците, кои веќе со месеци внимателно ги следат исцрпувачките преговори помеѓу Владата и доверителите, се обидуваат да се привикнат на новата ситуација и се надеваат дека ќе биде постигнат договор.
Граѓаните, во страв од раст на цените, побрзаа во продавниците како би создале залихи од храна и останати намирници.
Исто така, Грците во паника создадоа долги редови пред банкоматите.
