Поранешниот генерален секретар на НАТО, Хавиер Солана, е примен во болница откако бил позитивен на тестот за коронавирус, пренесе Ројтерс.
Извори на агенцијата тврдат дека здравствената состојба му се подобрува, но дека од претпазливост и натаму е под лекарски надзор.
Инаку, дневниот шпански весник AБЦ вчера прв објави дека Солана во средата бил хоспитализиран во Мадрид.
Солана (77) беше генерален секретар на НАТО од 1995 до 1999 година. Потоа, до 2009 г. беше шеф на дипломатијата на ЕУ или Висок претставник за заедничка надворешна и безбедносна политика на Унијата. Претходно, од 1992 до 1995 година беше шеф на шпанската диполоматија.
Тој во понеделникот присуствувал на настан кој го организирала актуелната министерка за надворешни работи на Шпанија, Аранча Гонзалес Лаја.
