Ниту сум избран за премиер, ниту за прв парламентарец. Едноставно се работи за функција за да преживеам. Секакви луѓе има во владата избрани на разни функции, а вие реагирате за мене.
Ова го напиша денеска Џезаир Шакири или познат како командант Хоџа на својот Фејбук профил, откако во медиумите излезе веста дека тој е нов советник на Заев, за што Владата немаше одговор.
– Откако Заев победи на последните парламентарни избори имавме еден политички договор, јас да го ослободам Танушевци и тој да ми обезбеди владина функција блиску до него, како гаранција за мојата безбедност. Фактички, Заев направи математика да ме приближи до себе и да нема никакви проблеми. Јас не сум направил договор со Заев за гласови и очекувам овој договор премиерот да го испочитува, стои во напишаното на Хоџа на фејсбук.
