Индија ја напуштиле во 10 век, а денес главно се населени во Европа. Според некои извори, ги има околу 10 милиони, главно во Романија (550.000), Бугарија (350.000) и Чешка (210.000), верски не се обединети, имаат слободен дух, никој не им е рамен во радување, танцување и пеење, и себеси на својот јазик се нарекуваат – Роми.
Многу познати уметници и научници се горди на својата ромско потекло, но има некои ѕвезди за кои знаевме се, освен дека имаат ромско потекло. Меѓу нив се британскиот актер Мајкл Кејн, еден од најголемите ликови на светскиот филм Чарли Чаплин, актерот Јул Бринер, како и познатата pin-up божица и секс симбол на 40-тите години, Рита Хејворт, пишува pressonline.
Чарли Чаплин (1889-1977)
Низ светот се прошири веста дека е откриен документ кој потврдува дека еден од најголемите ликови на светскиот филм, Чарли Чаплин, всушност е Ром и дека тој е роден во цигански караван. Писмото документ е најдено во некоја фиока која ја наследила ќерката на Чаплин, Викторија, и го испратил извесен Џек Хил од Тамворда во кое тој го открива потеклото на славниот лик кое го дознал од неговата тетка.
– Караванот во кој е роден Чарли и припаѓал на Ромската кралица, која е моја тетка. Роден си во Блек Печ, Сметвик во близина на Бирмингем, напишал Хил.
Инаку, “Black patch” e вагон населба од ерата на индустријализацијата во Бирмингем во 1880 година, а изводот Чаплин никогаш не е пронајден, иако на крајот на 1880 било законска обврска.
Мајкл Кејн (1933)
Според списанието “Gypsy Roma Traveller”, еден од најдобрите британски филмски и театарски актери сер Мајкл Кејн има ромско потекло. Неговото полно име е Маурис Џозеф Миклвајт, и само во ромската традиција на неговото семејство е на првиот роден син да му се даде името – Mauris.
Оттука неговиот татко имал исто име. Кејн е двократен оскаровец – 1987 (за филм на Вуди Ален: “Хана и нејзините сестри”) и 2000 година (“куќни правила”), и затоа беше одликуван во ред на витез од Кралицата Елизабета II заради неговиот придонес во филмската уметност.
Јул Бринер (1920-1985)
Холивудскиот актер Јул Борисович Бринер, според неговото сопствено сведоштво имал во крвта една четвртина од Ромите и една четвртина од Евреите. Таткото на Бринеровата мајка бил Марусја Благовидов, руски Евреин а мајка му руска Ромка.
Меѓу Ромите, Бринер научил да свири гитара и игра на трапез. За време на неговиот живот тој беше избран за почесен претседател на Ромите и титулата гордо ја носел до неговата смрт. Играше во големите светски филмски хитови, како што се “The Magnificent Seven” а имаше и славна улога на принцот и на фараонот Рамзес во култниот филм за Мојсеј и 10 Божји заповеди во истиот филм. На нашата публика сепак најдобро и е познат по неговата улога како инженер на Владата во епскиот спектакл на Вељко Булаиќ “Битката на Неретва”.
Елвис Присли (1935-1977)
Според списанието “Gypsy Roma Traveller”, подалечни роднини на кралот на рокот Елвис Присли биле Роми кои живееле во Германија на почетокот на 18 век, и кои емигрирале во САД. Списанието вели дека моминско презиме на мајка Присли било Смит, кое, како што е наведено во статијата “било заедничко презиме за британските Роми “.
Сепак, Дејвид Елтир, писател и истражувач на ромската култура наведува дека тоа е “дезинформација.”
– Колку што е досега познато во професионалните кругови, нема белешки во врска со ромското потекло на Елвис Присли. Фактот дека некој имал роднини Роми пред 300 години не значи дека тој самиот е Ром – наведува Елтир.
Боб Хоскинс (1942-2014)
Нема човек кој не го помешал кој не го помешал англискиот актер Боб Хоскинс со американскиот Дени Девито, но на прсти од едната рака можат да се избројат оние кои знаеле дека бабата на Роберт Вилијам Хоскинс имала ромско потекло. Голем дел од животот овој млад актер го поминал патувајќи и работејќи во циркус. Во 1967 година бил волонтер во Кибуц Зиким центарот во Израел, а пред филмската кариера работел како голтач на оган во циркус, оџачар, морнар и продавач.
Според неговото сопствено сведоштво, првата улога ја добил сосема случајно во 1969, придружувајќи другар на кастинг. Еден од агентите го помешал со друг актер и добил улога во претстава. Пробивот го доживува со проектот “Црниот петок за гангстерите” во 1980 година.
Рита Хејворт (1918-1987)
Иако многу спорен овој факт, според списанието “Gypsy Roma Traveller” американски pin-up божица и секс симбол на 40-тите години Рита Хејворт е родена Маргарита Кармен Кансино, ѕвезда со ромско потекло.
Црвенокосата убавица на филм стана русокоса, и во својата кариера, има одиграно 71 улога. Нејзиниот најпознат филм “Гилда” од 1946 година, ќе биде запаметен по сензуалното симнување на ракавица ..
Пабло Пикасо (1881-1973)
Еден од најголемите сликари, скулптори, карикатуристи и графички уметници на 20 век, основач на кубизмот (со Жорж Брак), Шпанецот Пабло Пикасо бил горд на своето ромско потекло.
Сликарот кој го создал повеќе од 6000 слики, скулптури и цртежи, и чии дела се вредни милиони, се женел два пати и имал многу љубовници. Тој имал четири деца, а последното – ќерката Палома ја добил на 68 години.
Вечер.мк
