Индепендент: Таен план на Меркел и Путин за Украина


Германскиот канцелар Ангела Меркел и рускиот претседател Владимир Путин имаат таен план за да се реши по мирен пат меѓународната криза во Украина, објави Индепендент

Германскиот канцелар Ангела Меркел и рускиот претседател Владимир Путин имаат таен план за да се реши по мирен пат меѓународната криза во Украина, објави Индепендент. Според тој договор, Европа за признавање на Крим во состав на Русија би добила сигурно снабдување со руски гас.

merkel-putinОсновна цел за тајниот мировен план е како што тврди весникот, стабилизација на украинската граница и обезбедување силни економски дотации за финансиски осиромашената Украина, особено со нов енергетски договор кој би обезбедил снабдување на Украина со гас и Европа.

Контроверзниот план предвидува првично меѓународната заедница да ја признае независноста на Крим и неговото присоединување кон Русија.

Извори блиски до Меркел и Путин, наведуваат дека во случај на постигнат договор, Русија би морала веднаш да ја повлече својата финансиска и воена помош за проруските сили на исток во Украина. Истовремено, Украина би морала да се откаже од членство во НАТО. Русија за возврат би престанала да блокира или да се меша во новите трговски односи меѓу Украина и ЕУ.

Украинците би добиле нов долгорочен договор со Гаспром за идните испораки на гас и за цената.Москва би исплатила отштета за Украина од милијарда долари поради губење рента која Русија ја плаќала на Киев за стационирањето сили на Крим и Севастопољ.

Тие обиди на Меркел да посредува меѓу Путин и украинскиот претседател Петро Порошенко се откажани по соборувањето на малезискиот авион на исток во Украина, наведува Индепендент.

Извори за весникот тврдат дека „германскиот мировен план се уште е на маса“ и се очекуваат преговори по истрагата за причините за падот на авоинот во кој загинаа 298 луѓе

Share Button
MK News

Автор инфо

No comments yet.

Остави коментар

UA-33057274-1