Оти го пуштив Никола да оди? Тргна да му помогне на брат му со возењето, никогаш не бил во Грција.
Никола бил трета година на Правниот факултет во Крагуевац,
,,секогаш беше подготвен да им помогне на пријателите, играше фудбал, послушно дете беше, изјавила вчеравечер за српскиот весник Блиц, Дивна Маринковиќ, мајката на починатиот Никола (24) години, пред да се дознае веста дека Никола починал.
За несреќата во понеделникот, во која Никола беше тешко повреден, исто како и неговата снаа Марија (30), а животот го загуби Матија, 8-месечното бебе на Марија, Дивна раскажува дека во мигот кога семејството Маринковиќ со автомобилот „шкода фабија“ со кој управувал Драган (34) бил во клисурата, од спротивната насока, претекнувајќи камион, излегол автомобилот „форд фиеста“. Драган немал каде да оди, оти од десната страна е кањонот на Вардар.
– Само дигнал раце и рекол „Што биде, ќе биде“ – вели 65-годишната Дивна.
