Научниците, пресметале дека 2015. година ќе мора да биде за секунда подолга отколку што би требало, бидејќи треба да се усклади атомското време со времето на земјата, поради се поспората ротација на нашата планета.
Додавањето на оваа „престапна секунда“, во споменатиот момент, би можело да предизвика катастрофални падови на системот по целиот интернет, предупредуваат експертите.
Дополнителната секунда ќе биде вметната 26. пат од 1972, кога е направено првото додавање, по откривањето дека „атомското време“ оди пред „Земското“.
И 2012. година, кога се случи последното додавање, имаше катастрофални падови, откако разни подсистеми се изгубија во промената на времето, пренесе Телеграф.
