Исламска Држава презеде одговорност за терористичкиот напад во Манчестер


Терористичката организација Исламска Држава презеде одговорност за нападот во Манчестер во кој загинаа 22 лица, пренесува Тасс.

Припадниците на терористичката организација објавија видео на социјалните мрежи во кое ја презедоа одговорноста за нападот.

Во експлозијата за време на концертот на американската пејачка Аријана Гранде во Манчестер синоќа загинаа 22 лица, вклучувајќи и деца, а повредени се 59.

Полициските власти соопштија дека инцидентот се третира како терористички напад и оти се верува дека напаѓачот делувал сам и загинал во експлозијата.

Ова е втор напад во Велика Британија оваа година. Во нападот пред Вестминистер во центарот на Лондон на 22. март оваа година беа повредени повеќе од 50 луѓе откако Британецот Халид Масуд влета со автомобил во толпа луѓе.

Напаѓачот беше убиен по нападот, а одговорност за тој инцидент исто така презеде Исламска држава.

Share Button
MK News

Автор инфо

No comments yet.

Остави коментар

UA-33057274-1