Основачот на компанијата Амазаон и милијардерот Џеф Безос, ја предводел мисијата за спасување на остатоците од моторот F-1 на ракетата “Saturn V”, која што американските астронаути ги испратила на Месечината.
Пронајдените и спасени остатоци претставуваат првиот дел од наведената ракета, кој, откако го потрошил горивото, бил отфрлен високо во атмосферата, а на крајот завршил на дното од океанот.
Безос уште пред една година најавил дека тој и неговиот тим ги лоцирале деловите од “Saturn V” на длабочина од 4.267 метри под површината на Атлантскиот океан.
Сега, по цели три недели поминати во водата, Безос и неговиот тим извлекле доволно делови од моторот на оваа ракета за истиот да можат да го реконструираат.
Планот на Безос е реставрација на моторите и нивно прикажување на јавна изложба, но сепак, со оглед на тоа што серискиот број на моторот е уништен, ќе биде тешко да се утврди дали станува збор навистина за моторите на ракетата “Saturn V”, која што ги испратила првите луѓе на Месечината
НАСА објавила свое соопштение и на Безос и неговиот тим му честитала на “историскиот пронајдок, како и одлучноста и упорноста во барањето на овие важни артефакти”. Во продолжение погледнете како изгледало вадењето на деловите од ракетата од длабочините на океанските води.
Точка
