Ја пронашла украдената внука по 39 години


После долги 39 години потрага, една од основачките на организацијата „Бабите од Мајскиот плоштад“, Марија Чича Мариани, ја пронашла својата внука која аргентинската хунта и ја одземала како тримесечно бебе.

Како што пренесуваат странските медиуми, Клара Анахи, која исчезнала на 24 ноември 1976 година,  станала 120-тото идентификувано дете кое воената хунта го одземала за време на своето владеење од 1976 до 1983 година.baba-i-vnuka-640x427

Случајот на Клара Анахи беше светски познат поради отворени писма кои Мариани и ги испраќаше на својата внука.

Родителите на Клара, Даниел Мариани и Дијана Теруги, убиени се за време на диктатурата.

„Бабите од Мајскиот плоштад“ во Буенос Аирес веќе со години трагаат по исчезнатите деца. Според проценките, во текот на воената власт во Аргентина, околу 500 деца на политичките противници се одведени и дадени на посвојување на воените и полициските семејства.

Во август 2014 година, претседателката на оваа аргентинска организација, Естела Карлото, ја пронајде својата внука после 36 години трагање.

Share Button
MK News

Автор инфо

No comments yet.

Остави коментар

UA-33057274-1