37 – годишната Џенифер Смит има проблеми со тежината уште од детството. Првите сеќавања допираат до петтата година од животот кога прв пат отишла во градинка и сфатила дека децата можат да бидат многу сурови. Никогаш не можела да разбере зошто има толкава потреба да јаде, но знаела дека многу страда поради таа навика. Кога пред една година ја изгубила работата поради прекумерната тежина, решила да се промени. Намалила од 160 на 85 килограми. Со уште минус десет смета дека ќе биде нова личност.
„Не бев во можност да направам ниту 10 чекори. Тоа ме дотолчи. Тежината потполно ме опседна, постојано морав да одмарам. Килограмите почнаа да ми пречат за да живеам нормално. Имав висок притисок, холестерол, дијабетес. Станав имуна на инсулин, ниту големи дози не ми помагаа. Потоа докторката ме искритикува, а јас почнав да плачам. Бев понижена, а пред се лута за тоа што си го правам самата на себе“, раскажува Џенифер.
Со лекарска помош почнала да слабее. Не се откажувала од омилените специјалитети, а психијатарот со кој била на консултации и објаснил дека храната не и е непријател што треба да го уништи.
„Што се однесува до мене јас не бев на диета, само го сменив начинот на кој ја гледам храната. Водев дневник и почнав да препознавам која храна ќе направи да се чувствувам добро, а која лошо. Знаев дека не смеам да претерувам бидејќи на тој начин се повредувам“, вели девојката која на прагот од четвртата деценија прв пат почнала да вежба.
Почнала да трча, прво рекреативно, а потоа и на сериозни тренинзи. Физичкиот напор станал задоволство за неа.
После физичката преобразба таа повторно нашла работа. Среќна е и задоволна, но се уште е на диета. Води сметка и планира да намали уште десет килограми.
