Советот на јавни обвинители не ја стави на дневен ред точката за избор на помошници јавни обвинители на специјалната јавна обвинителка Катица Јанева.
Еден член од Советот предложил дополнување на дневниот ред на редовната седница на Советот со оваа точка, но образложението на претседателот на советот на јавни обвинители, Петар Аневски е дека во дописот кој стигнал од Јанева немало ништо ново, биле предложени истите имиња и истиот обем на работа.
Аневски изјави дека не работат според политички договори и покрај писмото кое беше испратено до нив од министерот за правда потпишано од четирите политички партии и меѓународниот притисок да се избере целиот тим на Јанева.
