Голем број на пријатели и колеги денес во тишина за последен пат се простија од легендарниот пејач и кантавтор Кемал Монтено.
-Денес е денот кога илјада снежни, небески ледени солзи паѓаат над Сараево поради смртта на еден голем човек, рекол Раде Шербеџија кој се обратил пред бројните пријатели на Монтено.
Кемал Монтено е роден во Сараево во 1948 година, а почина на клиниката во Загреб на 21 јануари каде беше сместен поради компликации по извршената трансплантација на бубрег.
