Новинарот Томислав Кежаровски својот роденден денеска го дочека во притвор. Неговата сопруга преку „Фејсбук“ побара Кежаровски да се брани од слобода и овој ден да го помине со семејството.
ЕУ не може да се меша во судството, но со загриженост го следи случајот со притворениот новинар Томислав Кежаровски, соопшти Иницијативниот одбор за ослободување на новинарот Кежаровски по средбата со евроамбасадорот Орав, пренесува Новатв.
Кежаровски е во притвор повеќе од еден месец откако кривичниот совет при Основниот суд во Скопје му ја продолжи мерката.
Иницијативниот одбор за ослободување на Кежаровски ги извести и доби поддршка од сите меѓународни организации што работат на промоција и заштита на слободата на говорот и човековите права.
