Гркот Антонис Мавропулос задоцнил 2 минути на летот Адис Абеба-Најроби што на крајот му го спасило животот, бидејќи тој авион паднал само 6 минути по полетувањето. Загинаа сите 157 аптници и членови на екипажот.
Иако се нервирал што задоцнил и што на гејтот не сакале да го пуштат, сега е и повеќе од благодарен што е жив. Тој на Фејсбук објавил фотографии од авионскиот билет.
Мавропулос е инаку претседател на непрофитна организација „International Solid Vaste Association” и требало да присуствува на годишното собрание на ОН за Програмата за животна средина.
„Бев бесен бидејќи никој не ми помогна да стигнам на време до капијата. Гледав како луѓето влегуват во тунелот и викав да ме пуштат…Сега сум среќен што сум жив“, напишал на Фејсбук.
Полицијата го барала да го испита зошто доцнел на летот и тогаш дознал за трагичната вест.
Тој се обидел притоа да избегне испитување, бидејќи не сакал да го пропушти и другиот лет, но полицаецот му рекол дека треба да му се заблагодари на Бога, а не да протестира и дека морат да го испитаат, бидејќи тој е единствениот патник кој платил билет, а не бил во авионот.
