Ламар Одом, поранешната НБА ѕвезда и поранешен сопруг на Клои Кардашиан, по три дена откако е пронајден без свест во јавната куќа се разбудил од кома, пренесува Е Њуз.
Тие исто така пренесуваат дека првите зборови и ги упати на својата екс сопруга Клои Кардашијан.
Извор близок на ТВ-станицата „Е Њуз“ (E!News) која го емитува ријалити шоуто „Во чекор со Кардашијан“, вели дека Ламар ги отворил очите и изговорил „Еј душо“ на својата поранешна сопруга која се наоѓала во неговата болничка соба откако е пронајден во бесвесна состојба.
Исто така, јавено е дека НБА ѕвездата повеќе не е на апаратите за дишење, што е голем чекор во неговото заздравување.
